နိုင်ငံတကာသတင်း

မြောက်ကိုရီးယား ရန်စမှု ဒေသတွင်း အင်အားကြီး ၃နိုင်ငံသတိပေး

မြောက်ကိုရီးယားဘက်က ရန်လိုတဲ့အပြုအမူမျိုးကို နောင်မှာ သည်းခံမှာမဟုတ်ဘူးလို့ တရုတ်၊ ဂျပန်နဲ့ တောင်ကိုရီးယား နိုင်ငံတို့က ပြောလိုက်ပါတယ်။ မြောက်ကိုရီးယားက နျူကလီးယား စမ်းသပ်ဖောက်ခွဲမှု အသစ်လုပ်ဖို့ ပြင်ဆင်နေတယ်ဆိုတဲ့ စိုးရိမ်မှုတွေ ထွက်ပေါ်နေတဲ့အချိန် ဒီသတိပေး ပြောဆိုချက် ထွက်လာတာပါ။

တရုတ်ဝန်ကြီးချုပ် ၀မ်ကျားပေါင် (Wen Jiabao)၊ ဂျပန်ဝန်ကြီးချုပ် ယိုရှိဟိကိုနိုဒ (Yoshihiko Noda) တို့နဲ့ တရုတ်နိုင်ငံ ဘေဂျင်းမြို့မှာ တွေ့ဆုံအပြီး တောင်ကိုရီးယားသမ္မတ အီမြောင်ဘက် (Lee Myung-bak) က ဒီကနေ့ ပြောကြားလိုက်ပါတယ်။

မြောက်ကိုရီးယားက မအောင်မြင်တဲ့ ဒုံးပျံ ပစ်လွှတ်မှု ပြီးခဲ့တဲ့လအတွင်း ပြုလုပ်ပြီးတဲ့နောက် ကုလသမဂ္ဂ လုံခြုံရေးကောင်စီက ပိတ်ဆို့အရေးယူမှု အသစ်တွေ ထပ်မံ ချမှတ်ခဲ့တာပါ။ ကုလသမဂ္ဂရဲ့ ဆုံးဖြတ်ချက်အရ စမ်းသပ် ပစ်လွှတ်မှု မလုပ်ရဘူးလို့ ပိတ်ပင် တားမြစ်ထားတဲ့ တာဝေးပစ် ဒုံးကျည် စမ်းသပ်ပစ်လွှတ်ခြင်း မပြုလုပ်ရဆိုတဲ့ ပိတ်ပင် တားမြစ်ချက်ကို ချိုးဖောက်ရာရောက်တယ်ဆိုပြီး အမေရိကန်နဲ့ မဟာမိတ်နိုင်ငံတွေက ပြစ်တင် ဝေဖန် ခဲ့ကြတာပါ။

ဒီခေါင်းဆောင် ၃ ဦးဟာ အကောက်ခွန် ကင်းလွတ်တဲ့ ကုန်သွယ်ခွင့်ဆိုင်ရာ ဆွေးနွေးပွဲတွေ အခုနှစ်မကုန်ခင်မှာ စတင်ကြဖို့လည်း သဘောတူခဲ့ကြပါတယ်။ ဒါ့အပြင် ရင်းနှီးမြှုပ်နှံမှုဆိုင်ရာ သဘောတူညီချက်ကိုလည်း ခေါင်းဆောင် ၃ ဦးက လက်မှတ် ရေးထိုးခဲ့ကြတာပါ။
တရုတ်၊ ဂျပန်နဲ့ တောင်ကိုရီးယားတို့ဟာ အရှေ့အာရှတိုက်အတွင်း စီးပွား အကြီးဆုံး ၃ နိုင်ငံလည်း ဖြစ်ပါတယ်။

source: http://www.voanews.com/burmese/news/Korea-China-Japan-05-13-12-151292865.html

 

 

ဆီးရီးယားပြဿနာ ပိုဆိုးလာနေ

By ဗွီအိုအေ (မြန်မာဌာန)

ကြာသာပတေးနေ့မှာ ကုလသမဂ္ဂလုံခြုံရေးကောင်စီက တညီတညွတ်တည်းပဲ ဆီးရီးယားအစိုးရကို အရပ်သားတွေနေထိုင်ရာဒေသတွေကနေ အစိုးရတပ်ဖွဲ့တွေ စတင်ဆုတ်ပေးရေး တောင်းဆိုလိုက်တဲ့ သဘာပတိအဖွဲ့ကြေညာချက်တရပ်ကို ထုတ်ပြန်လိုက်ပါတယ်။ ဒီကြေညာချက်ကို အမေရိကန်ပြည်ထောင်စုရဲ့ ကုလသမဂ္ဂဆိုင်ရာ သံအမတ်ကြီးဖြစ်တဲ့ မစ္စ် ဆူဆဲန်ရိုက်စ်က ကုလသမဂ္ဂအထွေထွေညီလာခံကြီးမှာ ဖတ်ကြားခဲ့ပါတယ်။
လာမယ့် ဧပြီ(၁၂)ရက်နေ့က စပြီး အပစ်အခတ်ရပ်စဲမှု စတင်သက်ရောက်မှာ ဖြစ်ပေမယ့်လည်း အစိုးရက အတိုက်အခံတွေကို အကြမ်းဘက်နှိမ်နင်းနေမှု တွေ အဆုံးသတ်ရေးကတော့ နှေးကွေးနေဆဲ့ ဖြစ်တယ်လို့ ဆီးရီးယားဆိုင်ရာ ကုလသမဂ္ဂနဲ့အာရပ်အဖွဲ့ချုပ်တို့ရဲ့ အထူးသံတမန် အတွင်းရေးမှူးချုပ်ဟောင်း ကိုဖီ အာနန်က ဧပြီလငါးရက်နေ့က ၀န်ခံပြောကြားခဲ့ပါတယ်။ ဧပြီ (၁၂) ရက်နေ့မတိုင်မီ အရပ်သားလူနေ ထူတပ်တဲ့နေရာတွေကနေ အစိုးရတပ်တွေ ရုပ်သိမ်းဖို့ကို ဆီးရီးယားအစိုးရက အာမခံထားပေမယ့်လည်း အစိုးရတပ်တွေက အရပ်သားတွေနေထိုင်ရာနေရာတွေကို တိုက်ခိုက်နေမှုတွေ လျော့သွားခြင်း မရှိဘဲ ဆီးရီးယားပဋိပက္ခဟာ ပိုမိုနက်ရှိုင်းလာနေတယ်လို့ ကုလသမဂ္ဂအတွင်းရေးမှူးချုပ် ဘန်ကီမွန်းကလည်း ကြသာပတေးနေ့က အထွေထွေညီလာခံမှာ ပြောကြားသွားခဲ့ပါတယ်။

ဒါ့အပြင် ဆီးရီးယားပြည်သူတွေဟာ အစိုးရရဲ့ ကြောက်စရာကောင်းလှတဲ့ အနိုင်ကျင့်ခံ သားကောင်တွေ ဖြစ်နေကြရပြီး မြို့တွေရွာတွေဟာလည်း စစ်မြေပြင်တွေ ဖြစ်လာခဲ့ရပြီလို့ အတွင်းရေးမှူးချုပ်ဘန်ကီမွန်းက ပြောကြားသွားခဲ့ပါတယ်။ ကုလသမဂ္ဂအထွေထွေညီလာခံကို ဗီဒီယိုနဲ့ သတင်းပို့ခဲ့တဲ့ ကိုဖီအာနန်ကလည်း သူကမ်းလှမ်းခဲ့ပြီး ဆီးရီးယားအစိုးရက လက်ခံခဲ့တဲ့ အချက် (၆) ချက်ပါ ငြိမ်းချမ်းရေးအစီအစဉ်ကို လိုက်နာကျင့်သုံးဖို့ တိုက်တွန်းခဲ့ပါတယ်။

အတွင်းရေးမှူးချုပ်ဘန်ကီမွန်းက ဆီးရီးယားမှာ အကြမ်းဘက်မှုကြောင့် သေဆုံးရသူတွေ တနေ့တခြား များပြား လာနေပြီး တော့ အစိုးရတပ်တွေရဲ့ လိင်ပိုင်းဆိုင်ရာ အကြမ်းဘက်မှုအပါအ၀င် လူ့အခွင့်အရေး ချိုးဖေါက်နေမှုတွေကြောင့် ထောင်ပေါင်းများစွာသောလူတွေ အိုးအိမ်စွန့်ခွာထွက်ပြေးနေကြ ရပြီး ဘေးကင်းလုံခြုံရာနဲ့ ကာကွယ်စောင့်ရှောက်မှုကို ရှာဖွေနေကြရတယ်၊ သမ္မတဘာရှာအယ်လ်အာဆဒ် အနေနဲ့ ခေါင်းဆောင်မှုနဲ့ အမြင်ကျယ်မှုကို ပြသပြီး ဧပြီ (၁၂) ရက်နေ့မှာ ပေးထားတဲ့ကတိအတိုင်း အရပ်သားတွေအပေါ် အကြမ်းဘက်တိုက်ခိုက်မှုတွေကို အဆုံးသတ်ပါလို့လည်း ပြောကြားသွားခဲ့ပါတယ်။

source: http://www.voanews.com/burmese/news/--04_05_12_my-news-international----146373255.html

အမေရိကန် စက်မှုလျှို့ဝှက်ချက် တရုတ်ခိုးယူ

 အမေရိကန်ပြည်ထောင်စုက စက်မှုဓာတုပစ္စည်းတွေ ထုတ်လုပ်တဲ့ ဒူးပွန့် (Dupont) ကုမ္ပဏီကြီးရဲ့ ကုန်သွယ်မှုဆိုင်ရာ လျှို့ဝှက်ချက်တွေကို တရုတ်အစိုးရပိုင် ပန်ဂန်း (Pangang) ကုမ္ပဏီအုပ်စုကြီးက မတရားသဖြင့် ခိုးယူခဲ့တယ်လို့ အမေရိကန်တရားရေးဝန်ကြီးဌာန အရာရှိတွေက စွပ်စွဲလိုက်ကြပြီး ဗုဒ္ဓဟူးနေ့က ဆန်ဖရန်စ္စကို (San Francisco) မြို့က စီးပွားရေးလျှို့ဝှက်ချက်နဲ့ ရာဇဝတ်ကြောင်းစွဲဆိုမှုများဆိုင်ရာ အထူးတရားသူကြီးရဲ့ တရားရုံးမှာ Pangang ကုမ္မဏီကို တရားစွဲဆိုခဲ့ပါ တယ်။

အမေရိကန် ဒူးပွန့်ကုမ္ပဏီကြီးရဲ့ လက်အောက်ခံကုမ္ပဏီသုံးခု၊ အမေရိကန်နည်းပညာကုမ္ပဏီ (Performance Technology Inc.) နဲ့ ကယ်လီဖိုးနီးယား (California) ပြည်နယ်အခြေစိုက် အမေရိကန်အင်ဂျင်နီယာလုပ်ငန်းကုမ္ပဏီတစ်ခုကိုလည်း ဒီတရားရုံးမှာပဲ ဒူးပွန့်ကုမ္ပဏီကြီးက တရားစွဲဆိုခဲ့ပါတယ်။ တရုတ်အစိုးရပိုင် ပန်ဂန်းကုမ္မဏီနဲ့ လက်အောက်ခံတရုတ်ကုမ္မဏီတွေက အမေရိကန်နည်းပညာကုမ္ပဏီနဲ့ ကန်ထရိုက်ချုပ်ဆိုပြီး အမေရိကန် ဒူးပွန့်ကုမ္ပဏီက တီထွင် ထုတ်ထားတဲ့ စက္ကူသုတ်ဆေးနဲ့ ပလပ်စတစ်တွေမှာ အသုံးပြုတဲ့ အဖြူရောင် ဓာတုဗေဒ အရောင်ချွတ်ဆေးထုတ်လုပ်မှုဆိုင်ရာ လျှို့ဝှက်ချက်တွေကို ရယူခိုင်းခဲ့တဲ့ အမှုနဲ့ စွဲဆိုထားတာ ဖြစ်ပါတယ်။
ဒီအမှုမှာ လူပုဂ္ဂိုလ်တွေအဖြစ် အမေရိကန်နည်းပညာကုမ္ပဏီပိုင်ရှင် စင်္ကာပူနိုင်ငံဖွား အမေရိကန် နိုင်ငံသား ဝေါ်လတာ လျှူး (Walter Lieu)၊ ဇနီးဖြစ်သူ အမေရိကန်သူ ခရစ္စတီးနား (Christina) နဲ့ Dupont ကုမ္ပဏီကြီးရဲ့ အင်ဂျင်နီယာဟောင်းနှစ်ဦးတို့၊ တရားစွဲဆိုခံထားရပါတယ်။

source: http://www.voanews.com/burmese/news/--02_09_12_my-news-international----139055619.html

 

 

ဒဏ်ခတ်မှု၊ တိုက်ခိုက်မှု အီရန် လက်တုံ့ပြန်မည်

အစ္စရေးက အီရန်ကို လာမယ့်လ အနည်းငယ် အတွင်းမှာပဲ ၀င်တိုက်နိုင်တယ်လို့ အမေရိကန် ကာကွယ်ရေးဝန်ကြီးလီရွန်ပန်နိတာ(LeonPanetta)ကစိုးရိမ်နေကြောင်း သတင်းတွေမှာ ဖော်ပြနေချိန်မှာပဲ အီရန်ဟာ အနောက်နိုင်ငံတွေရဲ့ ရေနံ ရောင်းဝယ်တင်ပို့မှု ပိတ်ပင် ကန့်သတ်မှုတွေနဲ့ တိုက်ခိုက်မယ်လို့  ခြိမ်းခြောက်မှုတွေကိုဆန့်ကျင်လက်တုံ့ပြန်သွားဖို့ရှိတယ်လို့ သောကြာနေ့မှာ အီရန် ခေါင်းဆောင်ကြီး အယာတိုလာ အလီ ခါမီနီ ( Ayatollah Ali Khamenei) က သတိပေးလိုက်ပါတယ်။

အီရန်နိုင်ငံက နျူကလီးယား ဗုံး ထုတ်လုပ်ဖို့ လုပ်လာနိုင်တာကြောင့် ဒါကို ရပ်သွားစေဖို့ အစောဆုံး ဧပြီလလောက်မှာ အစ္စရေးကနေ ၀င်ရောက် တိုက်ခိုက်လာနိုင်တာကို မစ္စတာ ပန်နိတာက စိုးရိမ်နေကြောင်း ကြာသပတေးနေ့က ၀ါရှင်တန် ပို့စ် သတင်းစာကရော တခြားသတင်းတွေကပါ နောက်ပိုင်းမှာ ရေးသားလာခဲ့ကြတာပါ။ သတင်းတွေထဲမှာတော့ မစ္စတာ ပန်နိတာက ပြောကြားကြောင်း တရားဝင် ညွှန်းဆိုထားခြင်း မရှိသလို မှတ်ချက် တစုံတရာ ပေးထားခြင်းလည်း မရှိပါဘူး။

အီရန်ခေါင်းဆောင် ခါမီနီ ကတော့ သောကြာနေ့က အီရန်နိုင်ငံ ၁၉၇၉  အစ္စလာမ် တော်လှန်ရေး နှစ်ပတ်လည် အခမ်းအနား မိန့်ခွန်းပြောကြားရာမှာ အီရန်နိုင်ငံရဲ့ နျူကလီယားဆိုင်ရာ လုပ်ဆောင်မှုတွေကို ပိတ်ဆို့ အရေးယူမှုတွေက ဘယ်လိုမှ သက်ရောက်မှု မရှိခဲ့ဘူးလို့လည်း ပြောကြားခဲ့ပါတယ်။ ဒါ့အပြင် အစ္စရေးကို ဆန့်ကျင်မယ့် ဘယ်နိုင်ငံ ဘယ်အဖွဲ့ကိုမဆို အီရန်က  ကျောထောက်နောက်ခံ ပေးသွားမယ်လို့လည်း ပြောပါတယ်။
အီရန်က လုပ်ဆောင်နေတဲ့ ယူရေနီယံ သန့်စင်မှုတွေဟာ နျူကလီယား လက်နက် လုပ်ဖို့လို့ အမေရိကန်လို သံသယဖြစ်နေတဲ့ နိုင်ငံတွေထဲမှာ အစ္စရေးလည်း ပါပါတယ်။  နိုင်ငံတကာကနေ အီရန်ကို အရေးယူ ဒဏ်ခတ်မှုတွေ တိုးလုပ်လာဖို့ အမေရိကန်က ဖိအားတွေ ပေးနေချိန်မှာ အစ္စရေးကတော့ အီရန်ရဲ့ နျူကလီးယား စက်ရုံတွေကို ၀င်ရောက် တိုက်ခိုက်ဖို့ ကိစ္စကို ခုထိ ပယ်မချသေးပါဘူး။
အရေးယူဒဏ်ခတ်မှုတွေ လုပ်လာမှာကို လက်တုံပြန်တဲ့ အနေနဲ့ ကမ္ဘာ့ ရေနံတင် သင်္ဘောတွေ အများဆုံးဖြတ်သန်းရာ ဟောမုဇ် (Hormuz) ရေလက်ကြားကို ပိတ်ပစ်မယ်လို့ အီရန်က ထပ်တလဲလဲ ခြိမ်းခြောက်ခဲ့ပါတယ်။

source: http://www.voanews.com/burmese/news/Iran-02-03-12-138682764.html

 

 

ဘောလုံးရန်ပွဲ မတားနိုင်မှု အီဂျစ်လူထုရှုတ်ချ

အီဂျစ်နိုင်ငံမြောက်ပိုင်း Port Said မြို့က ဘောလုံးပွဲ အဓိကရုဏ်းကြောင့် လူ ၇၄ ယောက် သေဆုံးပြီး ရာချီ ထိခိုက်ဒဏ်ရာတွေ ရခဲ့ကြတဲ့အထိ ဖြစ်ခဲ့ရတဲ့အတွက် အာဏာရ စစ်ကောင်စီနဲ့ လုံခြုံရေး တပ်ဖွဲ့တွေကို ပြစ်တင်ရှုတ်ချပြီး ကိုင်ရိုမြို့တော်မှာ လူထောင်ပေါင်းများစွာ ဆန္ဒပြခဲ့ကြပါတယ်။
ဆန္ဒပြသူတချို့ကတော့ မြို့တော်မှာရှိတဲ့ Tahrir ရင်ပြင်မှာ ကြာသပတေးနေ့က စုဝေးခဲ့ကြသလို ပြည်ထဲရေး ဝန်ကြီးဌာန အနီးကို ချီတက်သွားသူတွေကိုတော့ လုံထိန်းတပ်ဖွဲ့တွေက မျက်ရည်ယို ဗုံးတွေနဲ့ ပစ်ခတ်ဟန့်တားခဲ့တာပါ။ ဗုဒ္ဓဟူးနေ့ အဓိကရုဏ်းအတွင်း ဒဏ်ရာရခဲ့သူတွေအပါအဝင် လွတ်မြောက်လာသူတွေ ပြန်လည် ရောက်ရှိလာကြတဲ့ ကိုင်ရိုဘူတာ အနီးမှာလည်း လူအုပ်တအုပ်က စစ်အစိုးရကို ဆန့်ကျင်တဲ့ ကြွေးကြော်သံတွေကို အော်ဟစ်ခဲ့ကြပါတယ်။
အားကစား ရာဇဝင်မှာ အဆိုးရွားဆုံး ကြုံခဲ့ရတဲ့ အဖြစ်အပျက်အတွက် အစိုးရက အီဂျစ်ဘောလုံး အဖွဲ့ချုပ် ဘုတ်အဖွဲ့ကို အလုပ်ဖြုတ်လိုက်သလို Port Said မြို့ အုပ်ချုပ်ရေးမှူးနဲ့ လုံခြုံရေးတာဝန်ရှိသူ အကြီးအကဲတွေကိုလည်း တာဝန်က ရပ်စဲထားလိုက်ပြီလို့လည်း စစ်တပ်က ခန့်အပ်ထားတဲ့ ဝန်ကြီးချုပ် Kamal al-Ganzuri က ပြောလိုက်တာပါ။ အပြစ်ပေး အရေးယူဖို့ ဆုံးဖြတ်ချက်ကိုတော့ လွှတ်တော် အရေးပေါ် အစည်းအဝေးအတွင်း ကြေညာခဲ့တာလို့လည်း ပြောပါတယ်။
အီဂျစ် စစ်ကောင်စီ အစိုးရရဲ့ခေါင်းဆောင် ဗိုလ်ချုပ်ကြီး Mohamed Tantawi ကတော့ နိုင်ငံတော် ဝမ်းနည်းခြင်း အထိမ်းအမှတ်အဖြစ် ၃ ရက်ကြာ သတ်မှတ်ဖို့ ကြေညာလိုက်သလို တာဝန်ရှိသူတွေကို ဖော်ထုတ်မယ်လို့လည်း ပြောခဲ့တာပါ။ ရဲတပ်ဖွဲ့ကတော့ လောလောဆယ် သံသယရှိသူ လူ ၄၇ ယောက်ကို ဖမ်းဆီးထားပါတယ်။

source: http://www.voanews.com/burmese/news/international/

 

အမေရိကန်မြေပေါ်တွင် အီရန်တိုက်ခိုက်နိုင်ခြေ ပိုတိုးလာ

အမေရိကန် မြေပေါ်မှာ အီရန် က တိုက်ခိုက်လာနိုင်ခြေ တိုးများလာနေတယ်လို့ အမေရိကန် ထောက်လှမ်းရေး အကြီးအကဲက ပြောလိုက်ပါတယ်။အမေရိကန် အထက်လွှတ်တော် ထောက်လှမ်းရေး ကော်မီတီရဲ့ရှေ့မှောက်မှာ ကမ္ဘာတ၀ှမ်းက အမေရိကန် အမျိုးသား လုံခြုံရေးအပေါ်ခြိမ်းခြောက်လာနိုင်မယ့်အခြေအနေကိုအစစ်ခံရာမှာအမေရိကန်အမျိုးသား ထောက်လှမ်းရေး ညွှန်ကြားရေးမှူး James Clapper နှစ်စဉ် လုပ်နေကျ အကဲဖြတ်ချက်ကို တင်ပြသွားတာပါ။
ဆွေးနွေးချက်မှာ အီရန်က ထိပ်ဆုံးက ပါနေပါတယ်။

အမေရိကန်က အီရန်ကို ခြိမ်းခြောက်လာတယ်လို့ အီရန်က ယူဆရင် အမေရိကန်ကို တိုက်ခိုက်ဖို့ အီရန်ခေါင်းဆောင်တွေအနေနဲ့ ခုအခါမှာ ပိုပြီး ဆန္ဒရှိလာနေတယ်လို့ Clapper က ပြောပါတယ်။
အမေရိကန်ဆိုင်ရာ ဆော်ဒီအာရေဗျ သံအမတ်ကြီးကို အီရန်လူမျိုး ၂ ယောက်က လုပ်ကြံဖို့ ကြိုးစားရာမှာ အီရန်အစိုးရရဲ့ လက်ရာပါဝင်နေတယ်လို့ အမေရိကန် တရားရေးဌာနက အောက်တိုဘာလတုန်းက စွပ်စွဲခဲ့ပါတယ်။

အီရန်ခေါင်းဆောင်ပိုင်းဟာ နျူကလီယားလက်နက် ထုတ်လုပ်နိုင်မယ့် လမ်းကို ဖွင့်ထားဆဲ ဖြစ်တယ်လို့ သူက ပြောပါတယ်။  ဒီအချိန်မှာပဲ စက်ချွတ်ယွင်းသွားတဲ့ အီရန် ငါးဖမ်းသင်္ဘောတစ်စင်းက သင်္ဘောသားတွေကို ပါရှန်ပင်လယ်ကွေ့မှာ အမေရိကန်လေတပ်က ကူညီလိုက်ကြပါတယ်။
အမေရိကန်ရေတပ် သဘောင်္ USS Abraham Lincoln က ငါးဖမ်း သဘောင်္သား ၉ ယောက်ပါတဲ့ လှေ အင်ဂျင် ပျက်နေတာကို ပြန်လည် ပြုပြင်ပေးလိုက်တဲ့အတွက် ငါးဖမ်းသင်္ဘောဟာ သူ့ခရီးသူ ဆက်သွားနိုင်ခဲ့ပါတယ်။

source: http://www.voanews.com/burmese/news/--02_01_12_my-news-international----138435874.html

 

 

ဆီးရီးယားကို ကုလအရေးယူမှု ရုရှား လက်ခံမည်မဟုတ်

ဆီးရီးယားအပေါ် ဒဏ်ခတ် ပိတ်ဆို့မှုတွေ၊ ဒါမှမဟုတ် စစ်ရေးအရ ၀င်ရောက် စွက်ဖက်မှုတွေ ပါဝင်နိုင်တဲ့ ကုလသမဂ္ဂရဲ့ လုပ်ရပ်တွေကို ထောက်ခံမှာ မဟုတ်ဘူးလို့ ရုရှား အစိုးရက ပြောကြားလိုက်ပါတယ်။

ရုရှားရဲ့ ရေရှည် မဟာမိတ် တဦးဖြစ်တဲ့ ဆီးရီးယားအပေါ် လုံခြုံရေးကောင်စီရဲ့ လုပ်ရပ်တွေဟာ မျှတမှု မရှိပဲ မလိုလားအပ်တဲ့ အကျိုးဆက်တွေ ဖြစ်ထွန်းနိုင်တယ်လို့ ရုရှား နိုင်ငံခြားရေးဝန်ကြီး ဆာဂျေ လာ့ဗ်ရော့ဗ် (Sergei Lavrov) က ပြောကြားလိုက်တာပါ။

ဆီးရီးယားနိုင်ငံမှာ သမ္မတ ဘာရှား အယ်လ် အာဆဒ် (Bashar al-Assad) ရဲ့ ၁၁ နှစ်ကြာ အုပ်ချုပ်မှုကနေ ဒီမိုကရေစီ အသွင်ကူးပြောင်းရေး အတွက် လုံခြုံရေးကောင်စီက ပြဌာန်းချက် ချမှတ်နိုင်ဖို့ ပြင်သစ်၊ ဗြိတိန်နဲ့ ဂျာမနီနိုင်ငံတို့က အာရပ်နိုင်ငံတွေနဲ့ ညှိနှိုင်း ဆောင်ရွက်နေတယ်လို့ ကုလသမဂ္ဂ သံတမန်တွေက ဆိုကြပါတယ်။

ဆီးရီးယား လူထု တော်လှန် အုံကြွမှုအပေါ် အစိုးရရဲ့ အကြမ်းဖက် နှိပ်ကွပ်မှုကို ရှုတ်ချဖို့ အနောက်နိုင်ငံတွေရဲ့ အဆိုပြုချက်ကို ဗီတိုအာဏာ ပိုင်ဆိုင်ထားတဲ့ ရုရှားနိုင်ငံဟာ အောက်တိုဘာလတုန်းက တရုတ်နဲ့တွဲပြီး ပယ်ချ ခဲ့ပါတယ်။

source: http://www.voanews.com/burmese/news/Syria_Russia_Jan25_2012-138083263.html

အာဏာသိမ်းရန်ကြံစည်မှု ဘင်္ဂလားဒေရှ့်အစိုးရ လက်ဦး

ဘင်္ဂလားဒေ့ရ်ှနိုင်ငံမှာ ဘာသာရေးအစွန်းရောက်တချို့က အစိုးရကို ဖြုတ်ချဖို့ ကြိုးပမ်းတာကို ကယ်တင်နိုင်ခဲ့တယ်လို့  စစ်ဘက်အရာရှိကြီးတွေက ပြောကြားလိုက်ပါတယ်။
ဝန်ကြီးချုပ် ရှိတ် ဟာစီနာ Sheikh Hasina ကို ဖြုတ်ချဖို့ အတွက် ကြံစည်မှုအကြောင်း အသေးစိတ်ကို  ဗိုလ်မှူးချုပ် မိုဟာမက် မာဆွတ် ရာဇတ် Muhammad Masud Razzaq က သတင်းထောက်တွေကို ရှင်းပြခဲ့ပါတယ်။

ပြည်ပမှာ စီစဉ်ရေးဆွဲခဲ့တဲ့ ဒီအာဏာသိမ်းရေး အစီအစဉ်နဲ့ပတ်သက်ပြီး အငြိမ်းစား စစ်အရာရှိကြီး ၂ ဦးကို ဖမ်းဆီးထားမိပြီး တတိယလူဖြစ်တဲ့ ဗိုလ်မှူး ဇီရာဟတ် Ziaul Haq ကတော့ လွတ်နေဆဲ ဖြစ်တယ်လို့ ရာဇတ်က ပြောပါတယ်။

စစ်တပ်ရဲ့ လက်ရှိနဲ့ အငြိမ်းစား အရာရှိ စုစုပေါင်း ၁၆ ဦး ပါဝင်တယ်လို့လည်းဆိုပါတယ်။ အာဏာသိမ်းဖို့ ကြံစည်သူတွေဟာ ဘင်္ဂလားဒေ့ရ်ှနိုင်ငံမှာ အစ္စလာမ် ရှာရီယာ ဥပဒေကို ပြဌာန်းကျင့်သုံးဖို့ ရည်ရွယ်ကြတယ်လို့လည်း ပြောပါတယ်။ဝန်ကြီးချုပ် ရှိတ်ဟာစီနာဟာ၂ဝဝ၉ခုနှစ်သူအာဏာရကတည်းက အယူသည်းသူတွေကို နှိပ်ကွပ်လာခဲ့တာ ဖြစ်ပါတယ်။

source:http://www.voanews.com/burmese/news/--01_19_12_my-news-international-----137719703.html

တရုတ် နိုင်ငံခြားရင်းနှီးမြှုပ်နှံမှု ၂ လဆက်တိုက်ကျဆင်း

ကမ္ဘာတဝှမ်း အားပျော့နေတဲ့စီးပွားရေးကြောင့် ရင်းနှီးမြှုပ်နှံသူတွေ စိတ်ပူပင်နေကြတာနဲ့အမျှ တရုတ်နိုင်ငံရဲ့ နိုင်ငံခြား တိုက်ရိုက်ရင်းနှီးမြှုပ်နှံမှုဟာ ပြီးခဲ့တဲ့လက ၂ လဆက်တိုက်ဆိုသလို ကျဆင်းလာတာ တွေ့ရပါတယ်။

ပြည်ပက ရင်းနှီးမြှုပ်နှံမှုဟာ အရင်နှစ် ဒီဇင်ဘာလကထက်စာရင် ၁၃ % နီးပါး ကျဆင်းလာခဲ့တာပါ။ အခုလို တရုတ်နိုင်ငံမှာ နိုင်ငံခြားရင်းနှီးမြှုပ်နှံမှုကျဆင်းရတာဟာ အမေရိကန်ပြည်ထောင်စုနဲ့ ဥရောပစီးပွားရေးအားပျော့လာတာကြောင့်လို့ တရုတ်ကူးသန်းရောင်းဝယ်ရေးဝန်ကြီးဌာန ပြောခွင့်ရ ပုဂ္ဂိုလ် ရှဲန်၊ ဒဲန်ယန်း (Shen Danyang) က ပြောဆိုလိုက်ပါတယ်။

၂၀၁၁ ခုနှစ်မှာ အမေရိကန်ပြည်ထောင်စုကနေန တရုတ်ပြည်မှာ လာရောက်ရင်းနှီးမြှုပ်နှံမှုဟာ ၂၆ % ကျဆင်းခဲ့ပြီး ဥရောပနိုင်ငံတွေရဲ့ ရင်းနှီးမြှုပ်နှံမှုဟာ ၄ % နီးပါး ကျဆင်းခဲ့လို့ပါပဲ။ ကမ္ဘာ့စီးပွားရေးတိုးတက်မှုနှုန်း နှေးကွေးနေပေမယ့်လို့လည်း တရုတ်နိုင်ငံမှာ ၂၀၁၁ ခုနှစ်အတွင်း နိုင်ငံခြား ရင်းနှီးမြှုပ်နှံမှုအားလုံး ခြုံကြည့်ရင်တော့ ဆယ်ပုံတပုံခန့် တက်ခဲ့ပြီး အမေရိကန်ဒေါ်လာ သန်းပေါင်း ၁၁၆,၀၀၀ အထိ စံချိန်တင်နိုင်ခဲ့ပါတယ်။

၂၀၁၂ ခုနှစ်၊ ဒီနှစ်မှာတော့ ရင်းနှီးမြှုပ်နှံသူတွေဟာ ဘဏ္ဍာရေးဈေးကွက်အနေအထားကို ယုံကြည်မှု ပြန်ရှိလာကြပြီး ပိုမိုရင်းနှီးမြှုပ်နှံလာကြလိမ့်မယ်လို့ တရုတ်နိုင်ငံက မျှော်လင့်နေပါတယ်။ ရင်းနှီးမြှုပ်နှံ နိုင်သူအသစ်တွေကို ဆွဲဆောင်နိုင်ဖို့အတွက် ကန့်သတ်ချက်တွေလျှော့ပေးမယ်လို့ အရင်လက တရုတ်အစိုးရက ကြေညာထားပါတယ်။ လာမယ့် ၄ နှစ်အတွင်း နိုင်ငံခြား တိုက်ရိုက်ရင်းနှီးမြှုပ်နှံမှု ပမာဏကို နှစ်စဉ် ပျှမ်းမျှ အမေရိကန်ဒေါ်လာသန်းပေါင်း ၁ သိန်း၊ ၂ သောင်းအထိ ဆွဲဆောင်ဖို့ တရုတ်ကူးသန်းရောင်းဝယ်ရေး ဝန်ကြီးဌာနက မျှော်မှန်းထားတယ်လို့ ပြောပါတယ်။

 

Wikipedia ဝဘ်ဆိုက် ၂၄ နာရီပိတ်မည်

By ဗွီအိုအေ (မြန်မာဌာန)

အမေရိကန်လွှတ်တော်မှာ စဉ်းစားနေကြတဲ့ မူပိုင်ခွင့်ဆိုင်ရာ ကာကွယ်ရေးဥပဒေကို ကန့်ကွက်တဲ့အနေနဲ့ အင်တာနက်ဝက်ဆိုဘ်မှာ လူ အသုံးများလှတဲ့ ဝီကီပီးဒီးယား စာမျက်နှာက အင်္ဂလိပ်ဘာသာနဲ့တင်ပေးနေတာကို ဗုဒ္ဓဟူးနေ့ကစပြီး ၂၄ နာရီ ပိတ်ထားဖို့ စီစဉ်နေတယ်လို့ ဝီကီပီးဒီးယားအွန်လိုင်း၊ စွယ်စုံကျမ်းအဖွဲ့က ပြောကြားလိုက်ပါတယ်။
အမေရိကန်အထက်လွှတ်တော်က IP ကာကွယ်ရေးဥပဒေနဲ့ အမေရိကန် အောက်လွှတ်တော်က SOPA လို့ခေါ်တဲ့ The Stop Online Piracy ကွန်ပြူတာ အွန်လိုင်း မူပိုင်ခွင့်ဆိုင်ရာ ကာကွယ်ရေးဥပဒေ ချမှတ်ဖို့စဉ်းစားနေတာကို ဝဘ်ဆိုက်စာမျက်နှာတွေဖြစ်တဲ့ ရက်ဒစ် (Reddit)၊ ဘွိုင်းဘွိုင်း (Boing Boing) ဘလော့နဲ့ တခြားစာမျက်နှာတွေက ကန့်ကွက်တဲ့အနေနဲ့ ပိတ်ပင်ထားကြဖို့ ကြိုးစားမှုကို ဝီကီပီးဒီးယားကပါ ပူးပေါင်းပါဝင်လိုက်တာဖြစ်ပါတယ်။

ဒီဥပဒေတွေဟာ အမေရိကန်ပြည်ထောင်စုအတွင်း ထုတ်လုပ်တဲ့ နည်းပညာဆိုင်ရာတွေကို ခိုးကူးပြီး ပြန်ရောင်းစားနေမှုတွေကို ကာကွယ်ဖို့ အတွက် ချမှတ်မှာဖြစ်ပါတယ်။ ခိုးကူးတဲ့နာမည်ဆိုးသတ်မှတ်တဲ့စာရင်းမှာ ပါဝင်တဲ့ ဝဘ်ဆိုက်တွေကို ဆိုင်းငံ့စောင့်ကြည့်ဖို့အတွက် အောက်လွှတ်တော်ကနေ အခု ဥပဒေ ပြဌာန်းမှုမှာ ပါဝင်ပါတယ်။
ဒီဥပဒေကို ခိုးကူးမှုခံနေရတဲ့ ရုပ်ရှင်နဲ့ သီချင်းထုတ်လုပ်တဲ့ ကုမ္ပဏီတွေကနေ ထောက်ခံကြပါတယ်။ ဉာဏဆိုင်ရာမူပိုင်ခွင့်နဲ့ လုပ်ငန်း ဆိုင်ရာတွေကို ကာကွယ်ဖို့အတွက် ဒီဥပဒေမျိုး လိုအပ်တယ်လို့လည်း ဆိုပါတယ်။ နည်းပညာကုမ္ပဏီကြီးတွေဖြစ်တဲ့ ဂူဂဲလ် (Google) နဲ့ ရာဟူး (Yahoo)တို့ တွစ်တာ (Twitter) တို့လို အင်တာနက်ကုမ္ပဏီတွေကတော့ ဒီဥပဒေဟာ နည်းပညာထုတ်လုပ်တဲ့ကုမ္ပဏီတွေကို ထိခိုက်စေတဲ့အပြင် တကယ်လို့ ဒီဥပဒေအတည်ဖြစ်ခဲ့ရင်တော့ ဒါဟာ လွတ်လပ်စွာ ထုတ်ဖော်ပြောကြားခွင့်ကို ချိုးဖောက်တာတမျိုးလို့ ပြောဆိုကြပါတယ်။

ှsource: http://www.voanews.com/burmese/news/---01_17_12_my-news-international-----137532023.html

ဆီးရီးယားကို ပြင်းထန်စွာ အရေးယူဖို့ ဘန်ကီမွန်း တိုက်တွန်း

 

ဆီးရီးယားနိုင်ငံအပေါ် ပြင်းပြင်းထန်ထန် အရေးယူဖို့ လုံခြုံရေး ကောင်စီကို ကုလသမဂ္ဂ အတွင်းရေးမှူးချုပ်က တိုက်တွန်းလိုက်ပါတယ်။ ဆီးရီးယား နိုင်ငံမှာ အတိုက်အခံ အုံကြွမှုအပေါ် နှိမ်နင်းနေတဲ့အတွက် သေကြေ ထိခိုက်ကြရတာက လက်မခံနိုင်လောက်တဲ့ အဆင့်ကို ရောက်နေပြီလို့ သူက ပြောပါတယ်။
အဘူဒါဘီမှာ တနင်္လာနေ့က ပြောကြားရာမှာ ဆီးရီးယား အကျပ်အတည်းကို ဖြေရှင်းတဲ့အခါ အဆက်အစပ်ရှိရှိ လုပ်ဆောင်ကြဖို့ သူက လုံခြုံရေးကောင်စီကို မေတ္တာရပ်ခံလိုက်တာပါ။  ဆီရီးယား အစိုးရရဲ့ အကြမ်းဖက် ဖိနှိပ်မှုတွေကို ရှုတ်ချဖို့ အနောက်နိုင်ငံတွေက လုံခြုံရေး ကောင်စီကို တွန်းနေပေမဲ့ ရုရှားနဲ့ တရုတ်တို့က ကန့်ကွက်နေခဲ့ကြပါတယ်။
ရုရှားဟာ ဆီးရီးယား သမ္မတ ဘက်ရှာ အယ်လ်အာဆဒ်ရဲ့ စစ်မဟာမိတ် ဖြစ်ပြီး လုံခြုံရေး ကောင်စီက အရေးယူတဲ့အခါ အာဆဒ် အစိုးရကိုသာမက အတိုက်အခံကိုပါ ဦးတည် ပြောကြားသင့်တယ်လို့ ရုရှားက ဆိုပါတယ်။
မစ္စတာ အာဆဒ်နဲ့ ဆွေးနွေးနေတဲ့ အတွက်ကြောင့်ရော အကဲခတ်အဖွဲ့တွေ စေလွှတ်တဲ့ အတွက်ပါ အာရပ်နိုင်ငံများ အဖွဲ့ချုပ်ကို မစ္စတာ ဘန်ကီမွန်းက ချီးကျူး ပြောဆိုလိုက်ပါတယ်။ ဒီအလုပ်တွေကို အာရပ်နိုင်ငံများ အဖွဲ့ချုပ်က ဆက်လုပ်လိမ့်မယ်လို့ မျှော်လင့်ကြောင်း သူက ပြောပါတယ်။
ကုလသမဂ္ဂ လူ့အခွင့်အရေး ကျွမ်းကျင်သူတွေက အကဲခတ် အဖွဲ့တွေကို လေ့ကျင့်ပေးရအောင် ကိုင်ရိုမြို့ ကို သွားကြလိမ့်မယ်လို့ ကုလသမဂ္ဂ ပြောရေးဆိုခွင့်ရှိသူ Eduardo del Buey က ဗွီအိုအေကို တနင်္လာနေ့က ပြောပါတယ်။
ရုရှား ဒုတိယ နိုင်ငံခြားရေး ၀န်ကြီး M.L. Bogdanov ဟာ အမေရိကန် လက်ထောက် နိုင်ငံခြားရေး ၀န်ကြီး William Burns နဲ့ တနင်္လာနေ့က မော်စကိုမှာ ဆွေးနွေးခဲ့ကြပါတယ်။ ဆီရီးယားရဲ့ အချုပ်အခြာ အာဏာကို တခြား နိုင်ငံတွေက လေးစားဖို့ လိုအပ်တယ်လို့ Bogdanov က အထူးပြုပြောဆိုပြီး သူတို့ အကျပ်အတည်းကို ဆီးရီးယား ပြည်သူတွေ ကိုယ်တိုင် ငြိမ်းငြိမ်းချမ်းချမ်း ဖြေရှင်းနိုင်အောင် ကူညီရမယ်လို့ ဆိုပါတယ်။

source:http://www.voanews.com/burmese/news/Syria-UN-01-16-12-137445688.html

 

 

အီရန်ကို တိုက်ခိုက်ရန် အိုဘားမားမှ အမိန်ပေးဖို့ အသင့်ရှိနေကြောင်း အမတ်တစ်ဦးမှပြော

 

အမေရိကန် ပြည်ထောင်စုမှ ဆီးနိတ်အမတ်တစ်ဦး၏ အပြောအရ သမ္မတ အိုဘားမားအနေဖြင့် အီ ရန် နိုင်ငံ၏ နှုကလိယ ထုတ်လုပ်နေမှုများကို ရပ်တန့်စေနိုင်မည့် ပိတ်ဆို့အရေးယူမှုများ ဖြင့် ယင်းကိစ္စ ကို ရပ်တန့်ရန် မလုပ်ေ ဆာင် နိုင်ပါက စစ်ရေးအရ တိုက်ခိုက်ရန် အမိန့်ထုတ်ရေးအတွက် အသင့်ဖြစ်နေကြောင်း ပြောကြား လိုက်ပြီဖြစ်သည်။ အိုဘားမားအနေဖြင့် အီရန်နိုင်ငံ၏ နှုကလိယ စက်ရုံ အလုပ်ရုံများကို စစ်ရေးအရ တိုက်ခိုက်ရန် အသေအချာပင် အမိန့်ပေးနိုင်ကြောင်း  Joe Lieberman မှ The Cable သတင်းသို့ သောကြာနေ့က ပြောကြား လိုက်ခြင်း ဖြစ်သည်။

ယခုလို ကိစ္စနှင့်ပတ်သက်ပြီး Lieberman မှပြောရာ၌ ပိတ်ဆို့အရေးယူမှုများ အလုပ်မဖြစ်ပါက သမ္မတအိုဘားမားအနေဖြင့် အီရန်၏ နှု ကလိယ စက်ရုံအလုပ်ရုံများကို တိုက်ခိုက်ရန် အမိန့်ပေး ၊ မပေးကို မိမိအနေဖြင့် မသိရှိသော်လည်း ၎င်းအနေဖြင့် ယင်းသို့ပြုလုပ် ရန် ကောင်းစွာတတ်နိုင်ကြောင်း ၊ ထို့အပြင် အိုဘားမား အနေဖြင့် ယင်းသို့ပြုလုပ်ရန် အသင့်ရှိနေပြီဟုလည်း ယုံကြည် ပါကြောင်း ပြော ကြားသွားခဲ့ကာ  အီရတ် နိုင်ငံအတွင်း သို့ စစ်သည်များစေလွှတ်ကာ တိုက်ခိုက် စေမည်မဟုတ်ဟု ထင်မြင်မိပါကြောင်း လည်း ပြောကြား သွားခဲ့သည်။ အီရန် နိုင်ငံ၏ နှုကလိယ အရေးနှင့် ပတ်သက်ပြီး အမေရိကန်နှင့် အနောက် နိုင်ငံအများစုမှာ ပိတ်ဆို့အရေးယူမှုတစ်ခု ကို ပြုလုပ်ခဲ့ပြီးဖြစ်ကာ အီရန်တို့ကလည်း ၎င်းတို့ အပေါ်ပိတ်ဆို့မှုများ ပြုလုပ်ပါက ဟော်မုတ်ရေလက်ကြားကို ပိတ်ဆို့ပစ်မည် ဟု ခြိမ်းခြောက်ခဲ့ခြင်းဖြစ်သည်။

source: http://www.mrtv4.net.mm

 

 

အီတလီ ဇိမ်ခံသင်္ဘောမှောက်မှု ပျောက်ဆုံးသူများ ရှာဖွေဆဲ

 

 

 

By ဗွီအိုအေ (မြန်မာဌာန)

အီတလီနိုင်ငံမြောက်ပိုင်း ကမ်းလွန်ပင်လယ်ပြင်မှာ ဇိမ်ခံသင်္ဘောကြီးတစ်စီး သောကြာနေ့က တိမ်းမှောက်နစ်မြှုပ်ခဲ့တာမှာ လူ ၃ ဦးထက်မနည်း သေဆုံးခဲ့ပြီး ၁၇ ဦးလောက် ပျောက်ဆုံးနေတယ်လို့ အီတလီအရာရှိတွေက ပြောပါတယ်။ ဒဏ်ရာ ရသူတွေလည်း ၃၀ ကျော် ရှိတယ်လို့ ဆိုပါတယ်။ အခုချိန်ထိ ကယ်ဆယ်ရေး လုပ်ငန်းတွေကို လုပ်နေရတုန်းပါပဲ။

ရေအောက်မှာ တိမ်းမှောက်နေတဲ့ သင်္ဘောတဘက်ခြမ်းက လူတွေကို ကယ်မထုတ်နိုင်သေးဘူးလို့ ကယ်ဆယ်ရေးအဖွဲ့ ပြောခွင့်ရပုဂ္ဂိုလ်က ဒီကနေ့ ပြောပါတယ်။ သင်္ဘောထဲမှာ အသက်မသေဘဲ ရှိနေတဲ့ တတိယမြောက် ပုဂ္ဂိုလ်ကို ဒီကနေ့ ရှာဖွေ ကယ်တင်နိုင်ခဲ့ပါတယ်။ မနေ့ကညပိုင်းမှာတော့ ပျားရည်စမ်းခရီး ထွက်လာတဲ့ တောင်ကိုရီးယားစုံတွဲကို ကယ်ဆယ်ရေး လုပ်သားတွေက ကယ်တင်နိုင်ခဲ့ကြပါတယ်။

ပီရူးနိုင်ငံသား သင်္ဘောသားတစ်ဦးနဲ့ ပြင်သစ်နိုင်ငံသား အမျိုးသား၂ ဦးတို့ သင်္ဘောမှောက်မှုကြောင့် သေဆုံးခဲ့ရတယ်လို့ သတင်းတွေမှာ ဖော်ပြပါတယ်။ သင်္ဘာမှာအလုပ်လုပ်တဲ့သူ တချို့လည်း သင်္ဘောထဲမှာ ပိတ်မိနေကြတုန်းပါ။ အီတလီ သင်္ဘောမာလိန်မှူး ဖရန်စ်ဆက်စကို ရှက်တီနို (Francesco Schettino) ကိုတော့ မနေ့တုန်းက နာရီ အတော်ကြာအောင် စစ်ဆေး မေးမြန်းမှုတွေလုပ်ပြီး ဖမ်းဆီးထားပါတယ်။ သူဟာ လူသေဆုံးမှု၊ သင်္ဘောကို စွန့်ပစ်ထားမှုတွေ အပါအ၀င် အရေးယူမှု တော်တောာ်များများ ခံရနိုင်တယ်လို့ အီတလီ သတင်းဌာနက ဆိုပါတယ်။

နစ်မြှုပ်ခဲ့တဲ့ သင်္ဘောပေါ်မှာ ခရီးသည်ပေါင်း ၄,၀၀၀ ကျော် ပါဝင်ခဲ့ပါတယ်။ ခရီးသည်တွေ ညစာစားနေချိန်မှာ သင်္ဘောနစ်မြှုပ်ခဲ့တာပါ။ အသက်ကယ်လှေတွေ၊ ရဟတ်ယာဉ်တွေနဲ့ ကယ်ဆယ်ရေး လုပ်ငန်းတွေ လုပ်ခဲ့ကြတာပါ။ တချို့လူတွေက ကမ်းပေါ်ကို ရေကူးပြီး ထွက်ပြေးခဲ့ကြတယ်လို့ လွတ်မြောက်လာသူ အမေရိကန်ခရီးသည် တစ်ဦးက ပြောပါတယ်။

Source: http://www.voanews.com/burmese/news/Italy-Cruise-01-15-12-137375823.html

တောင်ကိုရီးယား သင်္ဘောမှောက်ရာမှာ မြန်မာသင်္ဘောဝန်ထမ်း ၂ ဦးသေဆုံး

By ဗွီအိုအေ (မြန်မာဌာန) 

တောင်ကိုရီးယား လောင်စာတင်သင်္ဘောတစ်စင်းပေါ်မှာ ပေါက်ကွဲမှု ဖြစ်ပွားခဲ့ပြီးတဲ့နောက်မှာ မြန်မာသင်္ဘောသား ၂ ဦး အပါအဝင် လူ ၃ ဦးမက သေဆုံးပြီး လူ ၈ဦး ပျောက်ဆုံးနေတယ်လို့ ရေကြောင်းအာဏာပိုင်တွေက

ပြောပါတယ်။ 

တန်ချိန် ၄,၀၀၀ ကျော်ရှိတဲ့ ဒီသင်္ဘောဟာ တောင်ကိုရီးယားနိုင်ငံ အနောက်ပိုင်း Incheon ဆိပ်ကမ်းမြို့ရဲ့ ကမ်းလွန် ပင်လယ်ဝါထဲမှာ ဒီကနေ့ တနင်္ဂနွေနေ့ မနက်ပိုင်းမှာ အခုလို ပေါက်ကွဲသွားတာ ဖြစ်တယ်လို့ ကမ်းခြေစောင့်တပ်ဖွဲ့က ပြောပါတယ်။

သင်္ဘောသားတွေက တောင်ကိုရီးယား နိုင်ငံသား၁၁ဦးနဲ့ မြန်မာ၅ဦး ဖြစ်ပါတယ်။ သေဆုံးတဲ့ မြန်မာတွေကတော့
ကိုသက်နိုင်ဝင်း နဲ့ ကိုမျိုးမင်းကျော် တို့ ဖြစ်ကြပါတယ်။ လောလောဆယ် တောင်ကိုရီးယား ၅ ဦးနဲ့ မြန်မာ ၃ဦးဖြစ်တဲ့ကိုဆန်းထွန်းလင်း၊ကိုအောင်ကျော်ဆန်းနဲ့ကိုကျော်မျိုးဦးတို့ ပျောက်ဆုံးနေဆဲ ဖြစ်ပါတယ်။ နောက်ထပ် ၅ ဦးကိုတော့ ကယ်ဆယ်ရထားပါပြီ။

ဒီသင်္ဘော ပေါက်ကွဲခဲ့ရတဲ့ အကြောင်းရင်းကို တာဝန်ရှိသူတွေ စုံစမ်းနေဆဲ ဖြစ်ပါတယ်။ ဒါပေမဲ့ မြောက်ကိုရီးယားရဲ့ လက်ချက်ကြောင့်တော့ မဖြစ်နိုင်ဘူးလို့ ကမ်းခြေစောင့်တပ်ဖွဲ့က ပြောပါတယ်။

source: http://www.voanews.com/burmese/news/South-Korea-Ship-01-15-12-137375963.html

နီပေါအတွက် ဒေါ်လာ သန်း ၁၂၀ တရုတ်ကူညီ

By ဗွီအိုအေ (မြန်မာဌာန)

နီပေါနိုင်ငံက အတိမ်းအစောင်းမခံနိုင် ဖြစ်နေရတဲ့ ငြိမ်းချမ်းရေး လုပ်ငန်းစဉ်ကို အားပေးဖို့နဲ့ စီးပွားရေး ဖွံ့ဖြိုးမှု အကူအညီအဖြစ် တရုတ်နိုင်ငံက ဒေါ်လာသန်း ၁၂၀ ကျော် အကူအညီပေးဖို့ စနေနေ့မှာပဲ သဘောတူလိုက်ပါတယ်။ နီပေါနိုင်ငံ ခရီးစဉ်အတွင်း တရုတ်ဝန်ကြီးချုပ် ၀မ်ကျားပေါင် (Wen Jiabao) က နီပေါဝန်ကြီးချုပ် ဘာဘူရမ် ဘက်တာရိုင် (Baburam Bhattarai) နဲ့ တွေ့ဆုံခဲ့ပြီး သဘောတူညီချက်တွေကို လက်မှတ်ရေးထိုးတဲ့ အခမ်းအနားကိုလည်း အတူတက်ရောက်ခဲ့ကြတာပါ။

၂၀၀၆ ခုနှစ်မှာ အဆုံးသတ်ခဲ့တဲ့ ဆယ်စုနှစ် တစ်ခုကြာ ပြည်တွင်းစစ်ဒဏ် ခံခဲ့ရတဲ့ တိုင်းပြည်ကို ပြန်လည်ထူထောင်ရာမှာ အခြေခံအဆောက်အအုံတွေ တည်ဆောက်ရေးအတွက် ငွေကြေး ပံ့ပိုးကူညီသွားမယ်လို့လည်း တရုတ်ဝန်ကြီးချုပ်က ကတိပေးခဲ့တာပါ။
တရုတ်နိုင်ငံ လက်အောက်က လွတ်မြောက်ဖို့ လိုလားကြသူ တိဘက်လူမျိုး ထောင်ဂဏန်းချီပြီး နီပေါနိုင်ငံမှာ ခိုလှုံနေတာကလည်း တရုတ် အစိုးရအတွက် အဓိက စိုးရိမ်ပူပမ်နေတဲ့ ကိစ္စတစ်ခု ဖြစ်ပါတယ်။ ဟိမ၀န္တာတောင်တန်းဒေသ နိုင်ငံတစ်ခုဖြစ်တဲ့ နီပေါမှာ လတ်တလော အဝေးရောက် တိဘက်လူမျိုး ၂ သောင်းလောက် နေထိုင်နေကြတာဖြစ်ပြီး နေရပ်ရင်းကို စွန့်ခွာထွက်ပြေးနေတဲ့ တိဘက်လူမျိုးတွေ ၀င်ရောက် နေတာတွေကို ဟန့်တားဖို့ အတွက်လည်း နီပေါအစိုးရ ဖိအားပေးခံနေရတာပါ။

ကာတာ၊ ဆော်ဒီအာရေးဗီးယားနဲ့ အာရပ်စော်ဘွားများ ပြည်ထောင်စုတို့ကို ဆက်လက် မထွက်ခွာမီ တရုတ်ဝန်ကြီးချုပ်က နီပေါသမ္မတ ရမ်ဘရမ် ယာဒဲ့ဖ် (Ram Baran Yadav) နဲ့လည်း ချစ်ကြည်ရေး ခရီးစဉ်အဖြစ် တွေ့ဆုံခဲ့ပါတယ်။ တရုတ်ဝန်ကြီးချုပ်ဟာ နီပေါနိုင်ငံကို ပြီးခဲ့တဲ့လမှာ ကတည်းက သွားရောက်ဖို့ စီစဉ်ခဲ့တာ ဖြစ်ပေမဲ့လုံခြုံရေးပြဿနာကြောင့်ခရီးစဉ်ကို ရွှေ့ဆိုင်းခဲ့ရတာလည်း
ဖြစ်ပါတယ်။

source: http://www.voanews.com/burmese/news/Nepal-China-01-14-12-137354153.html