နိုင်ငံရေးအကျဉ်းသားဟောင်းများအနေဖြင့်
နိုင်ငံရေးအကျဉ်းသားများလွတ်မြောက်ရေးအတွက် ယနေ့ဆက်လက်ပြီး
ဝါရင့်နိုင်ငံရေးသမားကြီးများနှင့်တွေ့ဆုံခဲ့ကြပါသည်၊
နိုင်ငံရေးအကျဉ်းသားဟောင်းများသည်ယနေ့ အဘဦးသာဘန်း၊
အဘဦးအုန်းမောင်(ဘဏ်)၊စာရေးဆရာကြီးဦးအံ့မောင်တို့နှင့်သွားရောက်တွေ့ဆုံကြကာ
နိုင်ငံရေးအကျဉ်းသားများခြွင်းချက်
မရှိအမြန်ဆုံးလွှတ်ပေးရေးအတွက် ဆောင်ရွက်နိုင်ရန်ကိစ္စများကို သွားရောက်ဆွေးနွေးခဲ့ကြပါသည်။
ဦးသာဘန်းနှင့်သွားရောက်ဆွေးနွေးစဉ်၊
ဦးသာဘန်း
”ကိုယ့်နိုင်ငံရေးအင်အားစုတွေ
နီးစပ်ရာစုစည်းညီညွတ်အောင်လုပ်ရမယ်၊ အလုပ်မလုပ်ဘဲထိုင်နေလို့မရပါဘူး၊
နိုင်ငံရေးအကျဉ်းသားတွေလွတ်မြောက်ရေးကိုပထမဆုံးလုပ်ရမယ်၊
နောက်ပြည်တွင်းစစ်ရပ်စဲရေးကိုလုပ်ရမယ်။
ခပ်တင်းတင်းဘဲပြောသင့်တာပြောဘို့ရပ်တည်ရမယ်၊”
ဦးအုန်းမောင်(ဘဏ်) နှင့် စာရေးဆရာဦးအံ့မောင်တို့နှင့်ဆွေးနွေးစဉ်
ဦးအုန်းမောင်
”သူတို့ထဲမှာလဲ
သဘောထားကွဲလွဲမှုတွေရှိနိုင်တယ်ဆိုတာတွေ့ရတယ်၊
လူထုပူးပေါင်းဆောင်ရွက်မှုကသိပ်အရေးကြီးတယ်၊
လူထုထဲကိုဝင်ရောက်လုပ်ဆောင်ရမယ်၊ ”
ဦးအံ့မောင်
”နိုင်ငံရေးအကျဉ်းသားတွေ လွတ်မြောက်ရေးဆိုတာပြောနေဖို့တောင်မလိုပါဘူး၊
လွှတ်ကိုလွှတ်ရမဲ့ဟာဖြစ်တယ်၊ လူလူချင်းချုပ်နှောင်မှုဆိုတာ
ယနေ့ခောတ်မှာဘယ်လိုမှမသင့်တော်ပါဘူး၊ မတရားဖမ်းဆီးချုပ်နှောင်မှုကို
ကမ္ဘာကအခြေခံလူ့အခွင့်အရေးချိုးဖောက်မှုအဖြစ်သတ်မှတ်နေပါပြီ၊
ကျွန်တော်တို့နိုင်ငံမှာ တိုင်းပြည်အတွက်တကယ်ကောင်းစေချင်တဲ့
စေတနာနဲ့လုပ်တဲ့သူတွေ အများအကျိုးကိုကြည့်တဲ့သူတွေကိုဆက်ဖမ်းထားတာဘယ်လိုမှ
မသင့်တော်ပါဘူး၊ လွှတ်ကိုလွှတ်ပေးရမယ်။”
Source: Redstar Burma ထံမှ ကူးယူဖေါ်ပြပါသည်
No comments:
Post a Comment